La Banda de Dzalhoun lhet ità foundaa diì’in lou 1854 avé lou nou de Soicetà Filarmonica di Giaglione maque d’in lou 1927 lhot preu lou noun de " Banda "
An Dzalhouné lhot deloun damanalase Muzica.
D'in lou 2004 lhot festeggia li 150 an avé in raduno de set bandeus di paì d’antort, que partoun da catro cantoun dou paì per pi trouvèse a la Brèida per souné in toc ansèin fét aposta per l’oucazioun.
Onhi an a Santa Cecilia, la patrona de la Muzica lou priou de la banda ou organize la féta.
Vienoun touit li muzican, anque siit que sounoun papì, lou Sandic, lou Prèiře, li Presideun dle asouciasioun, lou Diretou di tsantre, lhi Spadouneiře è li tsantre.
A diz ouřeus dou matin la muzica lhe se trove devan lamèizoun de la priouřa de Sèinta Catlinò per lou rinfresco, apre se fét lou corteo fin a l’eigleiza.
Iot le priouřeus è lou bran.
Li muzican prenoun post d’in li pèrmie ban devan l’outal. A ounsh-ouřeus coumanse la mesò, tsantaa dai tsantre. La mařeunda lhe se fét aou saloun de la banda dezot la quemouna. Lou priou ou dét souèindze a tot, ou tsarze in quezine, ou trouve le cameřiereus è ou l’apreste la sala.
Livro la meřeunda vien fèt pasé in pan a forma de dzal, simboul dou paì : qui ferme lou dzal preun la pařola. Lou tort dou dzal ou livre devan aou priou nuva, è per pourtelo a mèizoun ou dét fař èidese da touit è alouřa ou pague da bèiře.
Aprè dla vizita daou priou nuva se torne a la sede a mindzé sina.
La fèta lhe duře fin a nouet, se soune è se bale.
commenta