Coma vos ai já dich, mon paire a de bèstias; al a fach lo muraor quora la lhi avia d'arranjar la maison, es bòn a far lo mèstre da bòsc e un pauc lo ferrier, mas ele, coma mestier, al a chausit de trabalhar la tèrra, donc al es un òme de campanha.
Ent'aquesti derriers ans, decò aicí en montanha, se trabalha abo de màquinas coma lo tractor, la dalhaira (màquina per sear), lo virafen, la rastelina e l'embaladoira. Decò la vòuta es mecanizaa: la lhi a lo descharjaleam e la màquina per mónzer.
Avem de vachas da charn e lo lach nos sierv per enlevar lhi veèls e de bòts fasem de tomas freschas per nosautri.
Mon paire a volgut provar de nòvas coltivacions qu’un viatge se fasion pas e coma aquò al a plantat de maiòlas e de genepí.
Per las maiòlas la lhi a chalgut construir de sèrras abo un implant per abealar. Per las mielh comercializar al es intrat dins una cooperativa. Lo genepí lo vend directament a una destillaria per far lo liquor.
Dins l’istat, dal temp que mon fraire Marc vai en pastura, mi e mas sòrres anem culhir d'èrbas e de flors, d'aquelas que se vendon, coma las violetas, l'èrba lavora, las chauças de cuco, la rua, lo serpol, lo chais, l'arriondèla e l'estornidèla. Tot aquò lo portem a un'erboristaria e se ganhem qualqui sòuds. |
Coma vos ai já dich, mon paire a de bèstias; al a fach lo muraor quora la lhi avia d'arranjar la maison, es bòn a far lo mèstre da bòsc e un pauc lo ferrier, mas ele, coma mestier, al a chausit de trabalhar la tèrra, donc al es un òme de campanha.
Ent'aquesti derriers ans, decò aicí en montanha, se trabalha abo de màquinas coma lo tractor, la dalhaira (màquina per sear), lo virafen, la rastelina e l'embaladoira. Decò la vòuta es mecanizaa: la lhi a lo descharjaleam e la màquina per mónzer.
Avem de vachas da charn e lo lach nos sierv per enlevar lhi veèls e de bòts fasem de tomas freschas per nosautri.
Mon paire a volgut provar de nòvas coltivacions qu’un viatge se fasion pas e coma aquò al a plantat de maiòlas e de genepí.
Per las maiòlas la lhi a chalgut construir de sèrras abo un implant per abealar. Per las mielh comercializar al es intrat dins una cooperativa. Lo genepí lo vend directament a una destillaria per far lo liquor.
Dins l’istat, dal temp que mon fraire Marc vai en pastura, mi e mas sòrres anem culhir d'èrbas e de flors, d'aquelas que se vendon, coma las violetas, l'èrba lavora, las chauças de cuco, la rua, lo serpol, lo chais, l'arriondèla e l'estornidèla. Tot aquò lo portem a un'erboristaria e se ganhem qualqui sòuds.
