Din la valada se soun mantenué de fete que la tradisioun l’ at pasàno.
Pèr esempio, din li coumun de Dzalhoun, Venoout, soun restà li spadouneire è li lour bal , onhi d’ un avéi se difrensie. Ma soun pa le unique fete, i soun in baroun le fete vielhe o nueve, avéi la muzica, li bal è la volha de trouvése ansén è fare feta. A Moumpantìa ad esempio i èt la feta de l' Ors. Lou disondo a vepro fon lou " Minja è beiva" , in percours din le bourjà pèr mingé è beire li proudot carateristic. La dimenja, von a chasa de l' Ors (in ome masquerà avei de pèl de chevra) è lou tiroun avei de cheine din lou paì è lou fon balé avei la gen è le prioure an coustum.
Silvana l’ at livraà li cours de bal avéi lou magistre Paoulin.
Paoulin: “ Sëtta dimenja alèn incò tuit ansèn a balé la courenta è li valsèr . Tiente prounta!”
Silvana: “ Sicur, sèi curiouza de veira si famous bal”.
Li bal soun tipic de le valade ouchitane è francoprouvensale; totta la gén , da corra nèit a corra i muèrt, bale le courente è li valsèr avei in ritmo soustenù, sensa fatiguese, onca pèr totta la nouèit! Li sounadour, si col, soun de la valada de Lons è sounoun lou semitoun o la fiza è d’ ooutri lou clarinèt. Vente veira que geuddou è que pasèt!”
Amís: “Divendro, a vepro, ièt onca inna feta patrounala a Dzalhoun , parìe fazen in poc d’ezerchissi sut la courenta de la Val de Lons”.
La courenta it in bal coumun a touit, ma in poc difrenta da valada a valada.
A notra Silvana i rèste maque que balé pèr preparese a le fete de San Vinsent a Dzalhoun! |
