franco-provenzale

Co st’està, lë spourtèl lingouistic ëd la Coumunità Mountana Val ëd Lën, Ceronda é Casternone ou i ëst ën camin ëd trëvaì soou teritori é avé lou teritori. Di fat co sit an è i ëst istaia riourganizaia la rete d’atività qu’è ënpenhët tuiti li 17 Coumun francoprouvesal : ën l’ambit ëd la manifestasioen ëntitoulaia « Ënsembiou a menà la bërtavela » onhi Coumun ou peut realizà n’atività ën francoprouvesal atravers diversi camp tematic.

Parèi uu i ëst tou’ prount: è-manquet poc a l’inisi ëd lh’evènt ourganizà da l’Éspourtèl Lingouistic për l’istà 2013, part dërz atività ëd lou spourtel itinerant a to lou titoul «Ënsembiou a menà la bertavela»

Peur tuiti lou prum apountameunt ou i ëst a li 8 ëd junh a Travë për ën dì ëd geu ligouistic. La journà è i ëst ourganizaia nhint meuc për li manhà dërzë scolë, ma ëd co për li frari, për li noni, li genitoù….për tuiti si cou i ont joi ëd përtechipà.

Për vè l’ultim spetacoul ëd lou group teatral ëd li Magnoutoun «Lou frousté dla poza» è ventët spëtà li 14 ëd lui, naturalmënt a Quëntoira. Për douë eurë ëd pas a la descuverta ëd lë bënde muziacal ëd la nostra trëdisioun ënsembiou a Flavio Giacchero, lou post just ou i ëst Quëri (post é data ëncoù da stëbilì)

Tuiti si cou i ont la pësioun për l’art é la natura l’apountamënt ou i ëst a li 24 d’oust an Ala, për ‘na journà ëd coultura ën alègrìa : ès perteit da la piasi doou Coumun, lounc li sënté cou coulegount ël frësioën. Douë gouidë loucal DOC, Claudio é Pinuccia, ou n’acoumpanhount ënt ‘na vizita a douë veus, itëliën é francoprouvensal. Lounc lou pércoueurs, diréti da Gigi Ubaudi, ëmparèn ël chënsoun ëd la trëdisioùn francoprouvensal.